Informashon pa partisipante- i representante nan di banda nan en konekshon ku uso di video riba pantaya di esenario durante presentashon di tumba 2024.
Intro video pa partisipante nan:
Día di inskripshon (14 di yanüari 2024 entre 2or pa 6or di atardi) después ku partisipante inskribí su tumba lo sigui un seshon pa saka potrèt / video di partisipante pa asina por tin e imagen pa proyektá riba pantaya ora di su presentashon durante anochi nan di Festival di Tumba 2024.
- E parti aki ta obligatorio pa asina tur partisipante tin potret / video pa introdusí su mes (Lo graba di kabes te sintura)
- Lo usa esaki nan pa anochi nan preliminar i tambe final.
- Bini bon bisti i drechá pa asina por saka potrèt i of video.
- E proseso aki lo tuma máksimal 3 min. di tempu.
- Pa evitá aglomerashon i tardansa ta urgi partisipante nan pa no yega na final di dia di inskripshon na bòshi.
Intro video pa agrupashon nan:
E aña aki kada agrupashon ku ta bai subí esenario lo wordu anunsiá pa medio di un intro video krea. Tur agrupashon lo haña e mes un video pero adaptá na nan logo spesífiko.
- E parti aki ta obligatorio pa asina tur agrupashon tin video pa introdusí nan mes.
- Lo usa esaki nan pa anochi nan preliminar i tambe final.
- Tur agrupashon lo mester entrega nan logo (kalidat haltu) den un di e formato nan jpeg, png, pdf via festivalditumba@amak.cw.
- E tim di produkshon lo evaluá e kalidat di tur logo i krea e intro video pa tur agrupashon. Esaki no tin kosto mara na dje pa ningún agrupashon.
Regla nan pa Video ku lo mester kompañá tumba durante presentashon:
Kantante / kompositor tin oportunidat pa usa pantaya nan riba stage pa visualisá algun aspekto di su tumba.
Lo usa e pantaya nan VERTIKAL riba esenario pa pasa e video nan aki. (E pantaya sentral riba esenario lo wòrdu usá pa e.o. Proyektá logo di Branding Partners).
Opshon pa uso di pantaya:
Opshon 1:
Video / animashon ku ta krea pa ripiti (loop) for di komienso te final di e tumba (por kombiná esaki ku proyekshon di koro den será di tumba).
Opshon 2:
Proyekshon di parti di koro den será di tumba. Esaki ta sosode riba señal di asistente apuntá pa agrupashon musikal.
Opshon 3:
Video / animashon ku ta wordu di play riba señal di asistente apuntá pa agrupashon musikal. (por kombiná esaki ku proyekshon di koro den será di tumba).
Pa apliká pa un di e opshon nan ariba menshona yena e siguiente formulario;
Regla nan pa proyekshon di video:
- Kada agrupashon ta apuntá 1 persona ku lo ta enkargá pa asistí MASSIVE na momentu di play video.
- Video / animation footage pa tumba no mag di ta mas ku 100MB di grandura no más ku 1 minut di largura.
- Video / animation footage pa tumba su kalidat mester ta HD 1080p.
- Video / animation footage lo wòrdu proyektá riba pantaya nan VERTIKAL di 1080×1920. E size di e footage mester ta 9:16.
- Video / animation mester ta sin audio.
- Video / animation footage pa tumba no por tin teksto den dje. Solamente imagen.
- Video / animation footage pa tumba no por tin imagen nan ku ta bulgar, violento, seksista, o ku ta insulta grupo nan den sosiedat.
- Video / animation footage pa tumba no por tin propaganda den dje pa promové empresa / sponsors na ningún manera (e regla aki no ta vigente pa Branding partners nan di festival di tumba).
- Video / animation footage pa tumba lo wòrdu evaluá dor di e Tim visual di AMAK i na momentu ku tuma nota di algu no apropiá lo notifiká partisipante ku lo no por usa e footage. (si tempu ta pèrmití lo por duna espasio pa adaptá e footage).
- Tim visual ta liber pa kombiná video / animation footage pa tumba ku imagen nan di tumbero, músiko nan públiko i logo nan di Branding Partners.
- Ta entrega video / animation footage via di un link di p.e. Google drive, Dropbox, wetransfer menshonando nòmber, fam i nòmber di tumba di partisipante.
- Ta entrega link di video / animation footage más tarda 2 dia promé ku día di presentashon di partisipante via festivalditumba@amak.cw
- Kada banda por apunta maksimal 1 asistente pa asistí i instruí MASSIVE pa play footage di partisipante (nan) na tempu.
- E asistente lo haña un badge temporal pa e por bai na Front of House (FOH) (kaminda tin e mixer den públiko) pa asistí MASSIVE ku video. Asina presentashon di banda termina ta entrega e badge temporal aki na FOH.
- Si asistente no tei na Front of house na tempu (promé ku tumba start) e video lo no wordu di play pa MASSIVE.
Regla nan pa proyekshon di koro:
- Lo usa e koro ku partisipante ta indiká via di formulario di petishon pa proyekshon di letra.
- Ta proyektá solamente koro pregon
- Ta proyektá koro riba komando di asistente di partisipante.
- Koro no por tin palabra nan ku ta bulgar, violento, seksista, o ku ta insulta grupo nan den sosiedat.
- Koro no por tin propaganda den dje pa promové empresa / sponsors di ningún manera.
- Ta entrega petishon pa proyekshon di letra más tarda 2 dia promé ku día di presentashon di partisipante via festivalditumba@amak.cw.
- Koro lo wòrdu evaluá dor di e Tim visual i na momentu ku tuma nota di algu no apropia na e letra nan lo tuma kontakto pa duna espasio pa adaptá esaki of pa kanselá e opshon pa proyekshon di koro.
- Kada banda por apuntá maksimal 1 asistente di nan pa asistí partisipante (nan) pa play footage nan na tempu.
- E asistente lo haña un badge temporal pa e por bai na FOH (kaminda tin e mixer den públiko) pa asistí MASSIVE ku video i / òf koro. Asina presentashon di banda termina ta entrega e badge temporal aki na FOH.
- Si asistente no tei na Front of house na tempu (promé ku tumba start) e video of koro lo no wordu di play pa MASSIVE.